ក្រោយ​អំពើ​ហិង្សា ដល់​វេលា​នៃការ​ដាក់​ទោស

កម្មករ​វៀតណាម​ពីរ​នាក់ ត្រូវ​បាន​តុលាការ​កាត់ទោស​ឱ្យជាប់​ពន្ធនាគារ​ ពីបទ​បាន​ដើរ​តួ​បង្ក​អំពើ​ហិង្សា​​មរណៈ ប្រឆាំង​នឹងផល​ប្រយោជន៍​​ចិន​ កាលពីថ្មីៗ​នេះ។ 

ចលនា​បាតុករម្ម​របស់​ប្រជាជនវៀតណាមប្រឆាំងចិន@Google

នេះ​ជា​ការ​កាត់ទោស​ដំបូង​គេ​បង្អស់​លើ​សំណុំ​រឿង​ដ៏​រសើប​បំផុត ដែល​បាន​ជំរុញ​ឱ្យ​មាន​ការ​ចាប់​ខ្លួន​កម្មករ​រាប់​រយ​នាក់។ ក្រោយ​អំពើ​ហិង្សា អាជ្ញាធរ​វៀតណាម​ ​បាន​ប្រើ​ប្រាស់​មធ្យោបាយ​ច្បាប់ ជា​ដំណោះស្រាយ ប៉ុន្តែ​ភាគី​ចិន​មិន​បាន​ពេញ​ចិត្ត​ឡើយ។

ប្រភពFRI៖ដោយ អៀង សុខម៉ិញមាន​អាយុ​២៣​ឆ្នាំ ជា​កម្មករ​រោងចក្រ ឡេ វ៉ាន់ញៀប ត្រូវ​ទទួល​ទោស​ជាប់​ពន្ធនាគារ​បី​ឆ្នាំ ពី​បទ​បាន​ធ្វើ​ឱ្យ​ខូចសណ្តាប់​ធ្នាប់​សាធារណៈ និង​បំផ្លិច​បំផ្លាញ​អចលនទ្រព្យ។ ចំណែក​ ចៅ វិញ តួង អាយុ ១៨​ឆ្នាំ​ ជា​កម្មករ​រោងចក្រ​ដែរ​ ត្រូវ​ជាប់​ពន្ធនាគារ​មួយ​ឆ្នាំ​ ពីបទបានលួច​ទ្រព្យ​សម្បត្តិ​ក្រុងហ៊ុន។ នេះ​បើតាម​ការ​ជូន​ដំណឹង​ក្នុង​សារព័ត៌មាន​ផ្លូវការ​វៀតណាម Thanh Nien។

ការ​ដាក់​​ទោស​ពីរ​ករណី​កម្មករ​ពីរ​នាក់​ដំបូង​​នេះ ជា​សាលក្រម​ចេញ​ដោយ​តុលាការ​ខេត្ត​ ប៊ិញឌួង ភាគ​ខាង​ត្បូង​​​ប្រទេស​ ខេត្ត​ដែល​មាន​ផ្ទុះ​ចលនា​បាតុកម្ម​ប្រឆាំង​នឹង​ចិន​ យ៉ាង​ហិង្សា​ កាលពី​ពាក់​កណ្តាល​ខែឧសភា​កន្លង​ទៅ ដើម្បី​បរិហារ​ទង្វើ​តាំង​ទីរបស់​ប៉េកាំង​ចង់​​ខួង​ប៊ូម​រក​ប្រេង​ក្នុង​សមុទ្ទ​ចិនខាង​ត្បូង​ មាន​ជាប់ជម្លោះ​នឹង​គ្នា។ ជា​ចលនា​បាតុកម្ម ដ៏​​ហិង្សា​​​​មិន​ធ្លាប់ នៅ​វៀតណាម​ គិត​ចាប់​តាំង​ពី​រាប់​ទសវត្ស​មក រហូតជំរុញ​ឱ្យ​ចិន​ជម្លៀស​ពលរដ្ឋ​របស់​ខ្លួន​ជា​ច្រើន​ពាន់​នាក់ ចេញ​ពី​ទឹក​ដី​វៀតណាម​យ៉ាង​បង្ខំ។ បើ​តាម​ប៉េកាំង មានជនជាតិ​​បួន​នាក់​បាន​បាត់​បង់ជីវិត ប៉ុន្តែ​ខាង​ភាគី​ហាណូយ​បញ្ជាក់​ថា​មាន​តែ​បី​នាក់​ប៉ុណ្ណោះ បាន​ស្លាប់។

នៅ​ថ្ងៃ​ចន្ទ​ អ្នកនាំ​ពាក្យ​​ក្រសួង​ការ​បរទេស​ចិន បាន​​បញ្ចេញ​ប្រតិកម្ម​ស្វាគមន៍​​ការ​កាត់​ទោស​កម្មករ​ពី​រនាក់​ឱ្យ​ពន្ធនាគារ​ ប៉ុន្តែ​យល់​ថា វៀតណាម​គួរ​បាន​ច្រើន​ជា​ង​នេះ។ សម្រាប់​ប៉េកាំង ដាក់​ទោស​លើ​មនុស្ស​ពីរនាក់ ពិត​ជា​មិន​គ្រប់គ្រាន់​ឡើយ ! អាជ្ញាធរ​វៀតណាម​ ត្រូវ​តែ​បើក​ធ្វើ​សង្កេត​ស៊ីជម្រៅ​មួយ ​លើ​សំណុំ​រឿង​នេះ និង​ដាក់​ទណ្ឌកម្ម ឧក្រិដ្ឋជន​ឱ្យ​ចាស់​ដៃបំផុត ព្រម​ទាំង​ត្រូវ​សង​ជំងឺ​ចិត្ត​ ដល់​ក្រុមហ៊ុន​ចិន ​ ​ ​ដែល​ខាត​បង់​ និង​ខូច​ខាត​ ព្រោះ​ភ្លើង​កំហឹង​របស់​បាតុករ។

វៀតណាម របប​កុម្មុយនិស្ត ឯកបក្ស បាន​​សន្យា​ដាក់​ទណ្ឌ​ធ្ងន់​ប្រឆាំង​នឹង​ជន​ដែល​បង្ក​អំពើ​ហិង្សា​ និង​បំផ្លាញ​ក្រុមហ៊ុន​បរទេស​តាំង​ទី​រកស៊ី​នៅ​ក្នុង​ប្រទេស​​។ ក្រុមហ៊ុន​បរទេស​ដែល​ភាគ​ច្រើន​មាន​ថៅកែ​ជា​ជន​ជាតិ និង​ជា​ដង្ហើម​សេដ្ឋកិច្ច​ដ៏​សំខាន់​មួយ​របស់​វៀតណាម។ វៀតណាម និង​ចិន មាន​វិវាត​ទឹក​ដី​ ដណ្តើម​គ្រប់គ្រង​ប្រជុំ​កោះ ស្ព្រាតលី និង​ប៉ារ៉ាសែល តាំង​ពី​ជា​ច្រើនខែ​ឆ្នាំ​មក​ហើយ។ យូរម្តង​ៗ​គេ​តែ​ឃើញមាន​ចលនា​ជាតិ​និយម​ផ្ទុះ​ឡើង ឬ​បំផុស​ឡើង​ឱ្យ​ក្លាយ​ជា​បាតុកម្ម​ ប៉ុន្តែ​សកម្មភាព​លើក​នេះ​មាន​ទំហំ និង​សភាពហិង្សា​ខ្លាំង​មិន​ជួប​ប្រទះ​ពី​មុន​មក​សោះ៕​