 |
លោកបណ្ឌិត ឡៅ ម៉ុងហៃ អ្នកវិភាគឯករាជ្យ (ឆ្វេង) និងលោកបណ្ឌិត កែម ឡី អ្នកស្រាវជ្រាវការអភិវឌ្ឍសង្គម ក្នុងកម្មវិធីវេទិកាអ្នកស្ដាប់វិទ្យុអាស៊ីសេរី នៅយប់ថ្ងៃ៧ មេសា ឆ្នាំ២០១៤។
|
អ្នកវិភាគសង្គមចាត់ទុកការថ្លែងជាសាធារណៈរបស់លោក ហ៊ុន សែន ដែលថា ប្រសិនបើលោកស្លាប់ទៅនឹងធ្វើឲ្យស្ថានការណ៍ក្នុងប្រទេសនឹងមានភាពចលាចលនោះ ថាជាការគំរាមមួយដែលអាចរុញច្រានឲ្យមានអស្ថិរភាពនយោបាយ។
ទោះបីយ៉ាងណាក្តី ក្រុមនេះនិយាយថា ប្រសិនបើនាយករដ្ឋមន្ត្រីអវត្តមានជាអចិន្ត្រៃយ៍មែននោះ រដ្ឋសភាត្រូវជ្រើសរើសនាយករដ្ឋមន្ត្រីថ្មីស្របតាមគោលការណ៍ច្បាប់។
ក្រុមអ្នកឃ្លាំមើលអំពីស្ថានការណ៍នយោបាយក្នុងប្រទេសកម្ពុជា សម្ដែងក្តីបារម្ភថា ការដែលលោកនាយករដ្ឋមន្ត្រី ហ៊ុន សែន ពោលគំរាមយ៉ាងដូច្នេះ គឺជាការបង្ហាញថា ស្ថានភាពប្រទេសជាតិពេលបច្ចុប្បន្ន កំពុងស្ថិតក្នុងសភាពគ្រោះថា្នក់ និងផុយស្រួយជាទីបំផុត។
អ្នកវិភាគអំពីការអភិវឌ្ឍសង្គម លោក កែម ឡី អះអាងថា ប្រសិនបើការកសាងប្រទេសមួយក្នុងរយៈពេលពី ២០ ទៅ ៣០ឆ្នាំមកនេះ ដោយពឹងផ្អែកលើមនុស្សតែម្នាក់ វាជាការឆ្លុះបង្ហាញឲ្យឃើញកាន់តែច្បាស់អំពីភាពទន់ខ្សោយនៃបញ្ញវន្ត និងអ្នកនយោបាយខ្មែរដែលធ្វើឲ្យពលរដ្ឋជាង ១៥លាននាក់ផ្អែកលើការដឹកនាំរបស់មនុស្សតែម្នាក់។
លោក ហ៊ុន សែន បានឆ្លៀតយកវេទិកាក្នុងពិធីចុះសួរសុខទុក្ខជនពិការនៅតំបន់កោះស្លា ស្រុកឈូក ខេត្តកំពត កាលពីថ្ងៃទី១០ ខែមិថុនា ថ្លែងគំរាមធ្ងន់ៗ ទៅលើក្រុមមេដឹកនាំបក្សប្រឆាំងថា ប្រសិនបើលោកស្លាប់មែន នោះប្រទេសនឹងជួបភាពវឹកវរ ហើយជីវិតរបស់ក្រុមមេដឹកនាំបក្សប្រឆាំងក៏អាចជួបភាពអន្តរាយដូចគ្នា។
លោក ហ៊ុន សែន បន្តថា កម្ពុជាមានតែមនុស្សម្នាក់គត់ដែលអាចបញ្ជា និងអាចគ្រប់គ្រងរាល់កំលាំងសមត្ថកិច្ចទាំងអស់។
ទោះបីជាមានការគំរាមបែបនេះក៏ដោយ លោក កឹម សុខា អនុប្រធានគណបក្សសង្គ្រោះជាតិ បានប្រាប់វិទ្យុអាស៊ីសេរី តាមទូរស័ព្ទថា លោកមិនខ្លាច និងមិនខ្វល់ចំពោះសម្តីរបស់លោក ហ៊ុន សែន ឡើយ ហើយថា សម្តីរបស់លោក ហ៊ុន សែន ជាសម្តីអត់បានការ។ ប៉ុន្តែអ្នកឃ្លាំមើលសង្គមអះអាងថា ក្រុមវិនិយោគទុនអាចមានការភិតភ័យចំពោះលុយវិនិយោគរាប់សិបលានដុល្លាររបស់គេដែលកំពុងរកស៊ីនៅកម្ពុជា។
ទាក់ទងពីរចនាសម្ព័ន្ធការងារគ្រប់គ្រងប្រទេសវិញ លោក ហ៊ុន សែន អះអាងថា ប្រសិនបើលោកអស់ជីវិតមែននោះ គណៈរដ្ឋមន្ត្រីទាំងមូលដែលជាផ្នែកមួយនៃស្ថាប័ននីតិប្រតិបត្តិក៏ត្រូវរលាយទៅតាមនោះដែរ។
ត្រង់ប្រការនេះ លោកបណ្ឌិត ឡៅ ម៉ុងហៃ អ្នកវិភាគឯករាជ្យ មានប្រសាសន៍ផ្ទុយពីលោក ហ៊ុន សែន ទៅវិញថា ប្រសិននាយករដ្ឋមន្ត្រីស្លាប់នោះ រដ្ឋសភាត្រូវជ្រើសរើសមេដឹកនាំថ្មី ហើយមានការតែងតាំងដោយព្រះមហាក្សត្រដើម្បីដឹកនាំគណៈរដ្ឋមន្ត្រី។
ជំពូកទី៨ មាត្រា១០៦ នៃច្បាប់រដ្ឋធម្មនុញ្ញកម្ពុជា ចែងថា បើតំណែងនាយករដ្ឋមន្ត្រីនៅទំនេរជាស្ថាពរនោះ ត្រូវតែងតាំងគណៈរដ្ឋមន្ត្រីថ្មីមួយក្នុងលក្ខខណ្ឌដែលមានចែងក្នុងរដ្ឋធម្មនុញ្ញ។ តែបើការទំនេរនេះ ជាការទំនេរមួយគ្រាទេ ត្រូវចាត់តាំងនាយករដ្ឋមន្ត្រីស្ដីទីជាបណ្តោះអាសន្ន។
ចំណែកមាត្រា ១០០ ចែងថា តាមសេចក្ដីស្នើពីប្រធានដោយមានមតិឯកភាពពីអនុប្រធានទាំងពីរនៃរដ្ឋសភា ព្រះមហាក្សត្រទ្រង់ចាត់តាំងវីរជនមួយរូបក្នុងចំណោមតំណាងរាស្ត្រនៃគណបក្សដែលឈ្នះឆ្នោតឲ្យបង្កើតរដ្ឋាភិបាល។ វីរជនដែលត្រូវបានចាត់តាំងនេះ នាំសហការីដែលជាតំណាងរាស្ត្រ ឬជាសមាជិកគណបក្សតំណាងក្នុងរដ្ឋសភាឲ្យកាន់តំណែងផ្សេងៗក្នុងរាជរដ្ឋាភិបាលនោះ ត្រូវទៅសុំសេចក្ដីទុកចិត្តពីរដ្ឋសភា។ កាលបើរដ្ឋសភាបានបោះឆ្នោតផ្តល់សេចក្តីទុកចិត្តហើយនោះ ព្រះមហាត្សត្រទ្រង់ចេញព្រះរាជក្រឹត្យតែងតាំងគណៈរដ្ឋមន្ត្រីទាំងមូល។
លោកបណ្ឌិត ឡៅ ម៉ុងហៃ បញ្ជាក់ថា កម្ពុជានឹងមិនអាចមានសង្គ្រាមក្នុងស្រុក ឬភាពវឹកវរបានទេ ប្រសិនបើការដឹកនាំប្រទេសផ្អែកលើយន្តការ និងច្បាប់ដែលមានជាធរមាន៕
អ្នកវិភាគសង្គមចាត់ទុកការថ្លែងជាសាធារណៈរបស់លោក ហ៊ុន សែន ដែលថា ប្រសិនបើលោកស្លាប់ទៅនឹងធ្វើឲ្យស្ថានការណ៍ក្នុងប្រទេសនឹងមានភាពចលាចលនោះ ថាជាការគំរាមមួយដែលអាចរុញច្រានឲ្យមានអស្ថិរភាពនយោបាយ។
ទោះបីយ៉ាងណាក្តី ក្រុមនេះនិយាយថា ប្រសិនបើនាយករដ្ឋមន្ត្រីអវត្តមានជាអចិន្ត្រៃយ៍មែននោះ រដ្ឋសភាត្រូវជ្រើសរើសនាយករដ្ឋមន្ត្រីថ្មីស្របតាមគោលការណ៍ច្បាប់។
ក្រុមអ្នកឃ្លាំមើលអំពីស្ថានការណ៍នយោបាយក្នុងប្រទេសកម្ពុជា សម្ដែងក្តីបារម្ភថា ការដែលលោកនាយករដ្ឋមន្ត្រី ហ៊ុន សែន ពោលគំរាមយ៉ាងដូច្នេះ គឺជាការបង្ហាញថា ស្ថានភាពប្រទេសជាតិពេលបច្ចុប្បន្ន កំពុងស្ថិតក្នុងសភាពគ្រោះថា្នក់ និងផុយស្រួយជាទីបំផុត។
អ្នកវិភាគអំពីការអភិវឌ្ឍសង្គម លោក កែម ឡី អះអាងថា ប្រសិនបើការកសាងប្រទេសមួយក្នុងរយៈពេលពី ២០ ទៅ ៣០ឆ្នាំមកនេះ ដោយពឹងផ្អែកលើមនុស្សតែម្នាក់ វាជាការឆ្លុះបង្ហាញឲ្យឃើញកាន់តែច្បាស់អំពីភាពទន់ខ្សោយនៃបញ្ញវន្ត និងអ្នកនយោបាយខ្មែរដែលធ្វើឲ្យពលរដ្ឋជាង ១៥លាននាក់ផ្អែកលើការដឹកនាំរបស់មនុស្សតែម្នាក់។
លោក ហ៊ុន សែន បានឆ្លៀតយកវេទិកាក្នុងពិធីចុះសួរសុខទុក្ខជនពិការនៅតំបន់កោះស្លា ស្រុកឈូក ខេត្តកំពត កាលពីថ្ងៃទី១០ ខែមិថុនា ថ្លែងគំរាមធ្ងន់ៗ ទៅលើក្រុមមេដឹកនាំបក្សប្រឆាំងថា ប្រសិនបើលោកស្លាប់មែន នោះប្រទេសនឹងជួបភាពវឹកវរ ហើយជីវិតរបស់ក្រុមមេដឹកនាំបក្សប្រឆាំងក៏អាចជួបភាពអន្តរាយដូចគ្នា។
លោក ហ៊ុន សែន បន្តថា កម្ពុជាមានតែមនុស្សម្នាក់គត់ដែលអាចបញ្ជា និងអាចគ្រប់គ្រងរាល់កំលាំងសមត្ថកិច្ចទាំងអស់។
ទោះបីជាមានការគំរាមបែបនេះក៏ដោយ លោក កឹម សុខា អនុប្រធានគណបក្សសង្គ្រោះជាតិ បានប្រាប់វិទ្យុអាស៊ីសេរី តាមទូរស័ព្ទថា លោកមិនខ្លាច និងមិនខ្វល់ចំពោះសម្តីរបស់លោក ហ៊ុន សែន ឡើយ ហើយថា សម្តីរបស់លោក ហ៊ុន សែន ជាសម្តីអត់បានការ។ ប៉ុន្តែអ្នកឃ្លាំមើលសង្គមអះអាងថា ក្រុមវិនិយោគទុនអាចមានការភិតភ័យចំពោះលុយវិនិយោគរាប់សិបលានដុល្លាររបស់គេដែលកំពុងរកស៊ីនៅកម្ពុជា។
ទាក់ទងពីរចនាសម្ព័ន្ធការងារគ្រប់គ្រងប្រទេសវិញ លោក ហ៊ុន សែន អះអាងថា ប្រសិនបើលោកអស់ជីវិតមែននោះ គណៈរដ្ឋមន្ត្រីទាំងមូលដែលជាផ្នែកមួយនៃស្ថាប័ននីតិប្រតិបត្តិក៏ត្រូវរលាយទៅតាមនោះដែរ។
ត្រង់ប្រការនេះ លោកបណ្ឌិត ឡៅ ម៉ុងហៃ អ្នកវិភាគឯករាជ្យ មានប្រសាសន៍ផ្ទុយពីលោក ហ៊ុន សែន ទៅវិញថា ប្រសិននាយករដ្ឋមន្ត្រីស្លាប់នោះ រដ្ឋសភាត្រូវជ្រើសរើសមេដឹកនាំថ្មី ហើយមានការតែងតាំងដោយព្រះមហាក្សត្រដើម្បីដឹកនាំគណៈរដ្ឋមន្ត្រី។
ជំពូកទី៨ មាត្រា១០៦ នៃច្បាប់រដ្ឋធម្មនុញ្ញកម្ពុជា ចែងថា បើតំណែងនាយករដ្ឋមន្ត្រីនៅទំនេរជាស្ថាពរនោះ ត្រូវតែងតាំងគណៈរដ្ឋមន្ត្រីថ្មីមួយក្នុងលក្ខខណ្ឌដែលមានចែងក្នុងរដ្ឋធម្មនុញ្ញ។ តែបើការទំនេរនេះ ជាការទំនេរមួយគ្រាទេ ត្រូវចាត់តាំងនាយករដ្ឋមន្ត្រីស្ដីទីជាបណ្តោះអាសន្ន។
ចំណែកមាត្រា ១០០ ចែងថា តាមសេចក្ដីស្នើពីប្រធានដោយមានមតិឯកភាពពីអនុប្រធានទាំងពីរនៃរដ្ឋសភា ព្រះមហាក្សត្រទ្រង់ចាត់តាំងវីរជនមួយរូបក្នុងចំណោមតំណាងរាស្ត្រនៃគណបក្សដែលឈ្នះឆ្នោតឲ្យបង្កើតរដ្ឋាភិបាល។ វីរជនដែលត្រូវបានចាត់តាំងនេះ នាំសហការីដែលជាតំណាងរាស្ត្រ ឬជាសមាជិកគណបក្សតំណាងក្នុងរដ្ឋសភាឲ្យកាន់តំណែងផ្សេងៗក្នុងរាជរដ្ឋាភិបាលនោះ ត្រូវទៅសុំសេចក្ដីទុកចិត្តពីរដ្ឋសភា។ កាលបើរដ្ឋសភាបានបោះឆ្នោតផ្តល់សេចក្តីទុកចិត្តហើយនោះ ព្រះមហាត្សត្រទ្រង់ចេញព្រះរាជក្រឹត្យតែងតាំងគណៈរដ្ឋមន្ត្រីទាំងមូល។
លោកបណ្ឌិត ឡៅ ម៉ុងហៃ បញ្ជាក់ថា កម្ពុជានឹងមិនអាចមានសង្គ្រាមក្នុងស្រុក ឬភាពវឹកវរបានទេ ប្រសិនបើការដឹកនាំប្រទេសផ្អែកលើយន្តការ និងច្បាប់ដែលមានជាធរមាន៕
Posts
0 comments :